Գիտնականները համի մեկ այլ զգացում են հայտնաբերել. news.am

Նոր Զելանդիայում Օքլենդի համալսարանի գիտնականները, որոնք հետազոտել են համի զգացումը, պնդում են, որ համի 6-րդ զգացում են հայտնաբերել արդեն գոյություն ունեցող քաղցրից, թթվից, աղիից, ումամիից, դառնից ու վերջերս բացահայտված սպիտակուցային նյութերի համից բացի:

Խոսքը կարողության մասին, որը թույլ է տալիս մարդկանց ճանաչել ածխաջրերը, հաղորդում է “Kedem”-ը:

Հետազոտության ընթացքում մասնակիցների լեզուները լվացել են երեք տարբեր հեղուկներով. դրանցից երկուսն արհեստականորեն քաղցրացված էին եւ նույն համն ունեին, ընդ որում մեկն ածխաջրեր էր պարունակում, իսկ երրորդ հեղուկը ստուգիչն էր եւ ածխաջրեր չէր պարունակում: Մասնակիցների բերանում հայտնվելուց հետո գիտնականներն ուղեղի ավելի քան 30 տոկոսի ակտիվություն են նկատել, որոնք վերահսկում են շարժումն ու տեսողությունը:

Օրգանիզմի նման պատասխանը, ինչպես ենթարդում են գիտնականները, պայմանավորված է ածխաջրերի համի արձագանքով, որոնք կապված են հավելյալ էներգիայի հետ:

Տվյալ բացահայտումը կարող է օգնել բացատրել, թե ինչու դիետիկ մթերքները հաճախ թվում են անհամ ու չեն հագեցնում, եւ ինչու են ածխաջրերով հարուստ ըմպելիքներն ակնթարթորեն ազդում մարզիկների վրա՝ նախքան օրգանիզմը սկսում է  դրանք էներգիայի վերափոխել:

Չի բացառվում, որ ստացված արդյունքներն օգտագործվեն նոր, ավելի օգտակար արհեստական քաղցրացված մթերքների մշակման համար:

Հարցեր, պատասխաններ, մեկնաբանություններ